Foto: TJM
Qazaqstannyń órt sóndirýshileri kesheden beri toqsanǵa jýyq órtti óshirdi, dep habarlaidy Tótenshe jaǵdailar ministrligi.
Jańa jyl qarsańynda qutqarýshylar kúsheitilgen rejimde jumys istedi. Máselen, 31 jeltoqsanda respýblika boiynsha 88 ret órt pen tutaný oqiǵasy tirkeldi. Budan bólek, izdestirý, avariialyq-qutqarý jáne basqa da jumystarǵa qatysty.
"Bul rette 25 adam, onyń ishinde 8 bala qutqaryldy jáne evakýatsiialandy", - deidi qutqarýshylar.
Al jańa jylǵa qaraǵan túni Kaspii jaǵalaýynda jasandy palma otqa orandy. Órt sóndirýshiler ony óshirip úlgerdi. Al jaǵalaýda jinalǵan halyq qutqarýshylarǵa qoshemet kórsetti.
Tótenshe jaǵdailar minitrligi azamattardy órt qaýipsizdik sharalaryn, daýyl týraly eskertýlerdi, aýa-raiynyń ózgerýin, joldardyń jabylýy týraly habarlamalardy baqylap, alys saparlarǵa shyqpaýǵa shaqyrady. Al aýyldyq jerlerde turatyn turǵyndarǵa aýa raiy nasharlaǵan jaǵdaida alys qashyqtyqqa shyqpaǵan abzal.
