Foto: instagram.com/soazigdelamoissonniere
Frantsiianyń Qazaqstandaǵy Tótenshe jáne Ókiletti Elshisi Silvan Giogen Qazaqstan Prezidenti Qasym-Jomart Toqaevtyń Frantsiia basshysy Emmanýel Makronǵa syiǵa tartqan qumai tazylarynyń jaǵdaiy qalai ekenin aitty, dep habarlaidy Ult.kz.
Foto: Qazaqstandaǵy Frantsiia elshiliginiń baspasóz qyzmetinen
«Eger siz frantsýz áleýmettik jelilerin baqylap otyratyn bolsańyz olardyń Elisei saraiynyń baǵynda qalai jaqsy ómir súrip jatqanyn kóre alasyz. Jiýl men Jann ózderin óte jaqsy ustaidy jáne ósip jatyr», - dedi Silvan Giogen tilshige.
Eske salsaq Frantsiia Prezidenti Emmaniýel Makron 2023 jyly qarasha aiynda Qazaqstan Prezidentiniń shaqyrýymen Astana qalasyna kelgeni habarlanǵan bolatyn. Sapar barysynda ol «Etnoaýyl» kórmesin aralap, qazaq halqynyń bai mádeni murasymen tanysty.
Foto: Aqorda
Kórme ortalyǵynda Frantsiia prezidentine ásirese tazy tuqymdas itter erekshe unaǵan.Sol kezde Qasym-Jomart Toqaev frantsýz áriptesine it syilaýǵa ýáde etken edi. Keiinirek Parij qalasyna qazaqtyń ulttyq tazy tuqymyna jatatyn, jasy bes ailyq eki kúshik jetkizildi.
Keiin áleýmettik jelilerde Makronnyń tazylarmen túsken foto sýretteri taraǵan.
