Foto: Aqorda
Qazaqstan Prezidenti Qasym-Jomart Toqaev jalpyulttyq referendýmnyń óte joǵary deńgeide uiymdastyrylǵanyn jáne ashyq ári ádil ótkenin málimdedi. Memleket basshysynyń aitýynsha, daýys berý barysynda barlyq zań talaptary men demokratiialyq qaǵidattar tolyq saqtalǵan. Muny otandyq ári halyqaralyq baqylaýshylar da rastaýda. Bul týraly Ult.kz habarlaidy.
"Azamattar jasaǵan tańdaýdyń túpkilikti qorytyndysyn zańǵa sáikes Ortalyq referendým komissiiasy resmi tártippen shyǵarady. Biraq qazirdiń ózinde Qazaqstan halqy yntymaq pen birliktiń, patriotizmniń, Otan taǵdyryna ortaq jaýapkershiliktiń keremet úlgisin kórsetti dep aita alamyz. Azamattarymyzdyń basym bóligi Órkendeý, Ádilet, Zań men Tártip, Tabiǵatty aialaý jáne Tazalyq jolyn tańdady. Bul – óte jaqsy jol. Jańa Halyq Konstitýtsiiasy elimizdi tyń jetistikter men tabystarǵa bastaidy. Buǵan eshqandai kúmán joq. Daýys berýshiler sany boiynsha eń joǵary rekordtyq kórsetkish tirkeldi. Mundai jaǵdai kópten beri bolmap edi. Ýchaskege kelip, azamattyq ustanymyn anyq bildirgen barshaǵa alǵys aitamyn. Osy arqyly kúlli álemge qazaq qoǵamynyń saiasi mádenieti joǵary ekenin pash ettik. "Birlik bar jerde tirlik bar". Birlik bar jerde órkendeý bar. Eldiń qýaty – birlikte. Bizge tatýlyq pen dostyq, sabyrlyq pen tabandylyq, jasampazdyq pen uqyptylyq, eńbekqorlyq pen senimdilik aýadai qajet. Sonda ǵana ozyq, damyǵan, básekege qabiletti el bolamyz", – dedi Toqaev.
Sonymen qatar Qasym-Jomart Toqaev halyq qoldaǵan jańa Konstitýtsiia el damýynyń berik negizine ainalatynyn aitty. Memleket basshysy Ata zańnyń Táýelsizdik pen egemendiktiń tiregi ekenin atap ótip, bul qujat Qazaqstannyń bolashaqtaǵy damý baǵytyn aiqyndaitynyn jetkizdi.
"Jańa Konstitýtsiia – Táýelsizdik pen egemendik tiregi. Ata zańymyz – adam quqyǵy men bostandyǵynyń myzǵymas kepili. Biz bir el bolyp Zań men tártip saqtalatyn, jaýapty jáne jasampaz azamattary bar Ádiletti qoǵam qurý jolynda mańyzdy qadam jasadyq. Osylaisha, búgin ult tarihynyń jańa paraǵyn ashtyq. Alda aýqymdy jumystar kútip tur. Eń bastysy, halqymyz túbegeili ózgeristerdi barynsha qoldaidy. Biz ortaq múdde jolynda kúsh biriktirip, keler urpaqqa Órkenietti, Ozyq Qazaqstandy amanat etemiz. Men buǵan kámil senemin. Osy referendým kezinde jastar belsendi túrde sailaýǵa qatysty. Jastarymyzǵa myń da bir raqmet! Jastarymyzdyń daýysy, úni óte jaqsy estildi. Árqashan aman bolyńyzdar! Qazaq eliniń qasietti Táýelsizdigi máńgi bolsyn! Otanymyz – Qazaqstan Respýblikasy jasai bersin! Jańa Konstitýtsiiamyz qutty bolsyn!" – dedi Prezident.
