Memleket basshysy Qasym-Jomart Toqaev «LÝKOIL» munai kompaniiasynyń prezidenti Vagit Alekperovti qabyldady, dep habarlaidy Aqordanyń resmi saity.
Memleket basshysyna munai kompaniiasynyń Qazaqstandaǵy qazirgi júrgizip jatqan jumystary men elimizdiń kómirsýtegi sektorynda júzege asyrylyp jatqan birqatar birlesken jobalardyń perspektivasy týraly esep berildi.
Prezidentke kompaniianyń Kaspii teńizi qairańyndaǵy «Jeńis» jáne «Ál-Farabi» munai jobalaryndaǵy geologiialyq barlaý jumystarynyń barysy týraly aityldy. Budan bólek Qasym-Jomart Toqaevqa byltyr Almaty oblysynda iske qosylǵan «LÝKOIL» zaýytynyń jumysy týraly baiandaldy. Kompaniia basshysynyń aitýynsha, búginde zaýyt ártúrli jaǵarmai materialdarynyń 800-ge jýyq túrin óndirip, óńirdegi elderge eksporttaidy.
Sonymen qatar Vagit Alekperov Memleket basshysyna álemdik munai naryǵynyń qazirgi jaǵdaiy men baǵa belgileýdiń perspektivasyna qatysty «LÝKOIL» kompaniiasynyń ustanymy týraly aitty.
Qasym-Jomart Toqaev reseilik kompaniianyń áleýmettik mańyzy bar jobalardy iske asyrýǵa atsalysyp otyrǵanyn erekshe atap ótip, onyń Qazaqstan munai-gaz sektoryn damytýǵa qosqan úlesin joǵary baǵalady.
