Qazaqstan Prezidenti Qasym-Jomart Toqaev kelesi jyldyń qańtarynda revaktsinatsiia jasaidy. Bul týraly Facebook-te Memleket basshysynyń baspasóz hatshysy Berik Ýáli málimdedi, - dep habarlaidy "Ult aqparat".
"Prezident Qasym-Jomart Toqaevtyń COVID-19 indetine qarsy vaktsinany qaita saldyrýyna qatysty maǵan kóptegen suraq kelip jatyr.
Dárigerlerdiń keńesine sáikes Memleket basshysy kelesi jyldyń qańtar aiynda qaita vaktsinalaýdan ótedi. Prezident halyqqa qoljetimdi ekpelerdiń birin saldyratyn bolady", - dep jazdy Berik Ýáli.
Eske salaiyq, 2021 jyldyń 6 sáýirinde Memleket basshysy Qaraǵandy farmatsevtikalyq zaýyty óndirgen "Spýtnik V" vaktsinasyn saldyrǵan edi.
