Foto: Sports.kz
Qasym-Jomart Toqaev Ulan-Batyr qalasynda ótken Aziia chempionatynda tabysty óner kórsetken Qazaqstan ulttyq quramasyna quttyqtaý joldady, dep habarlaidy Ult.kz.
Memleket basshysy sportshylardyń jalpy komandalyq esepte birinshi oryndy ielenip, otandyq boks mektebiniń joǵary deńgeiin dáleldegenin atap ótti.
Quttyqtaý jedelhatynda Orazbek Asylqulov, Sabyrjan Aqqalyqov, Nurbek Oralbai, Aibek Oralbai, Nadejda Riabets jáne Dina Islambekova syndy sportshylardyń jeńis tuǵyryna kóterilip, el mereiin asqaqtatqany erekshe ataldy.
Prezident qazaqstandyq bylǵary qolǵap sheberlerine aldaǵy halyqaralyq jarystarda da kók bairaǵymyzdy biikte jelbirete berýlerine tilektestik bildirdi.
Aita keteiik, World Boxing uiymdastyrǵan Aziia chempionaty 2026 jyly Ulan-Batyr qalasynda aiaqtalyp, Qazaqstan quramasy jalpy medaldyq esepte birinshi oryn aldy.
Jarys qorytyndysy boiynsha qazaqstandyq boksshylar barlyǵy 13 medal jeńip aldy. Onyń ishinde 6 altyn, 2 kúmis jáne 5 qola júlde bar. Medaldardyń beseýi áielder quramasyna, segizi erler quramasyna tiesili.
Ekinshi oryndy Úndistan quramasy ielendi. Olardyń enshisinde 5 altyn, 3 kúmis jáne 8 qola medal bar. Al úshinshi orynǵa Ózbekstan boksshylary turaqtady. Olar 3 altyn, 4 kúmis jáne 4 qola júlde jeńip alǵan.
Osylaisha, Qazaqstan quramasy qurlyqtyq dodada joǵary nátije kórsetip, boks salasyndaǵy kóshbasshy elderdiń biri ekenin taǵy bir márte dáleldedi.
