Memleket basshysy Qasym-Jomart Toqaev Densaýlyq saqtaý ministri qyzmetin bir jarym jyl atqarǵan Aleksei Tsoiǵa alǵys aitty.
Bul týraly Prezidenttiń baspasóz hatshysy Berik Ýáli habarlady.
"Prezident Qasym-Jomart Toqaev burynǵy Densaýlyq saqtaý ministri Aleksei Tsoiǵa belsendi jumys istegeni, ásirese Qazaqstanda koronavirýs indetiniń taralýyna qarsy kúreste atqarǵan eńbegi úshin alǵys bildirdi", - dep jazdy ol.
Aita keteri, 20 jeltoqsanda Memleket basshysy Aleksei Tsoidy Densaýlyq saqtaý ministri qyzmetinen bosatý týraly Jarlyqqa qol qoidy.
Sodan keiin Densaýlyq saqtaý ministrliginiń baspasóz qyzmeti Tsoidyń óz erkimen qyzmetinen bosatylǵanyn aitty.
Óz kezeginde, Aleksei Tsoi áleýmettik jelide jazba jariialap, densaýlyq saqtaý salasyn ǵylym men áleýmettik bastamalar arqyly damytýdy qolǵa alatynyn málimdedi.
