Foto: Aqorda
Qazaqstanda alǵash ret ákimshilik ister boiynsha raqymshylyq jariialanýy múmkin, dep habarlaidy Ult.kz.
Memleket basshysy Qasym-Jomart Toqaev Konstitýtsiianyń mańyzyn atap ótip, el damýdyń jańa kezeńine qadam basqanyn málimdedi. Onyń aitýynsha, bul kezeńde memleket pen azamattardyń ózara yqpaldastyǵyn jańǵyrtý qajet.
Prezident byltyr qylmystyq jaýapkershilikke tartylǵandarǵa raqymshylyq jasalǵanyn eske salyp, endi qoǵam men memleket qaýipsizdigine qater tóndirmeitin birqatar qylmystyq jáne ákimshilik quqyqbuzýshylyqtar boiynsha da raqymshylyq jariialaýǵa bolatynyn aitty.
«Elimizde ákimshilik ister boiynsha raqymshylyq alǵash ret jasalady. Parlament qazirgi sessiianyń sońyna deiin tiisti zań qabyldaýy kerek», – dedi Memleket basshysy.
Sonymen qatar Prezident jańa Konstitýtsiiany strategiialyq senim mandaty retinde baǵalap, ony qoǵamdaǵy adamgershilik qundylyqtardy nyǵaitatyn mańyzdy qujat dep atady. Onyń pikirinshe, Ata zań el birliginiń simvoly ári Qazaqstannyń órkenietti damý jolyndaǵy berik tuǵyry bolyp qala beredi.
