Úkimet basshysynyń orynbasary Eraly Toǵjanov Qazaqstanǵa Pfizer vaktsinasynyń jetkizilýine bailanysty bekitilgen talaptardy qatań sataýdy tapsyrdy, dep habarlaidy QazAqparat.
«Qazaqstanǵa Pfizer kompaniiasy vaktsinasynyń jetkizilýi men halyqtyń maqsatty toptaryn (12 jastan bastap balalarǵa, júkti jáne bala emizetin analarǵa) immýndaýǵa daiyndaýǵa bailanysty, búgin COVID-19-dyń taralýyna jol bermeý jónindegi vedomstvoaralyq komissiianyń otyrysynda Premer-Ministrdiń orynbasary Eraly Toǵjanov barlyq óńirdiń basshylyǵyna bekitilgen erejeni qatań saqtaýdy tapsyrdy. Sonymen qatar, jasóspirimder vaktsinatsiiasyn ata-analarynyń nemese olardyń zańdy ókilderiniń aqparattandyrylǵan jazbasha kelisimimen ǵana júrgizý júkteldi», - delingen Vedomstvoaralyq komissiia otyrysynyń qorytyndysy boiynsha taratylǵan habarlamada.
Aita keteiik, elimizge Pfizer vaktsinasynyń 379 myń dozasy jetkizildi.
«Ministrlik Pfizer kompaniiasynyń Comirnaty (Pfizer) vaktsinasynyń 4 mln 230 myń dozasyn vaktsina satyp aldy. Bul 2 mln 115 myń adamdy qamtýǵa múmkindik beredi. Respýblikaǵa 379 myń doza kóleminde birinshi partiiasy jetkizildi. Ony Dúniejúzilik densaýlyq saqtaý uiymy 12-den 18 jasqa deiingi balalar men jasóspirimderdi, júkti jáne bala emizetin analardy vaktsinatsiialaý úshin usynady», - dedi Densaýlyq saqtaý ministri Aleksei Tsoi.
