Foto: ashyq derekkóz
Qyzylorda oblysynda profilaktikalyq jumystardyń nátijesinde jyl basynan beri internet alaiaqtyǵy 6,5%-ǵa tómendedi. Sonymen qatar, qylmystardy ashý kórsetkishi aitarlyqtai ósip, 43,8%-dan 76,2%-ǵa deiin jetken, dep habarlaidy Ult.kz.
Soǵan qaramastan, jelidegi alaiaqtyq faktileri áli de tirkelýde. Sonyń biri – áleýmettik jeli arqyly jasalǵan alaiaqtyq deregi sotta qaraldy.
Tergeý málimetinshe, kúdikti azamat turǵynnyń senimine kirip, aqshasyn aldap alǵan. Jábirlenýshi TikTok-ta tómen baǵamen kilem satylyp jatqan tikelei efirdi kórip, taýarǵa tapsyrys beredi. Kórsetilgen esepshotqa 50 myń teńge aýdarǵanymen, satyp alǵan zaty jetkizilmegen.
Jedel-izdestirý sharalary barysynda Qazaqstan IIM-niń Baiqońyr qalasyndaǵy ókildigi men Resei IIM-niń Baiqońyr kesheni politsiiasy birlesip, 38 jastaǵy kúdiktini ustady. Tekserý kezinde onyń osyndai taǵy tórt alaiaqtyq epizodyna qatysy bary anyqtalǵan.
Qylmystyq is sotqa joldanyp, 5 naýryzda Qyzylorda qalalyq soty kúdiktini kináli dep tanydy. Oǵan 3 jyl merzimge bas bostandyǵyn shekteý jazasy taǵaiyndaldy.
