Foto: Qyzylorda oblystyq qylmystyq atqarý júiesi departamenti
Qyzylordada áleýmettik jeli arqyly tyiym salynǵan ónimdi satyp, alaiaqtyq jasaǵan 19 jastaǵy turǵynǵa sot úkimi shyqty, dep habarlaidy Ult.kz.
Oblystyq qylmystyq atqarý júiesi departamentiniń málimetinshe, ol Qylmystyq kodekstiń 190-baby 2-bóliginiń 4-tarmaǵy boiynsha kináli dep tanylyp, 200 saǵat qoǵamdyq jumysqa tartylǵan. Qazir ol qalalyq probatsiia qyzmetiniń esebinde.
Tergeý barysynda belgili bolǵandai, jas qyz TikTok jelisinde veipterdi jarnamalap, satyp, tutynýshylardy aldap aqsha alǵan. Ol óz áreketin “ońai tabys tabamyn” degen oimen jasaǵanyn aityp, kinásin moiyndap, ókinetinin jetkizgen.
Qazirgi ýaqytta sottalǵan azamat kúnine tórt saǵattan qala kóshelerin tazalaý jáne abattandyrý jumystaryna tartylyp júr.
Resmi derekterge sáikes, Qyzylorda oblysynda jyl basynan beri qoǵamdyq jumysqa tartylǵan 22 adamnyń 14-i jazasyn tolyq ótep, probatsiia esebinen shyǵarylǵan. Qalǵandary jazalaryn óteýin jalǵastyryp jatyr.
