Foto: ashyq derekkóz
Beinerolikter jasaýǵa arnalǵan TikTok jetekshi platformasy Qazaqstan Respýblikasy Oqý-aǵartý ministrligimen jáne Ǵylym jáne joǵary bilim ministrliginiń qoldaýymen ótkizilgen #Qazaqstanmuǵalimderi jyl saiynǵy baiqaýyn qorytyndylady. Baiqaý úshinshi ret elimizdiń túkpir-túkpirindegi bilim men bilim berý mazmunyn nasihattaý úshin kreativti formattarmen tájiribe jasaýdan qoryqpaityn talantty oqytýshylardy biriktirdi, dep habarlaidy Ult.kz.
Saiysqa qatysýǵa mektep muǵalimderi men kolledjder men joǵary bilim berý mekemeleriniń oqytýshylary at salysty. Qatysý úshin olar platformada óz pánderi týraly tanymdyq beinerolikter jariialaýy kerek boldy. Baiqaýǵa búkil elden júzdegen oqytýshy qatysty, al #ÝchiteliaKazahstana jáne #qazaqstanmuǵalimderi resmi heshtegterimen bilim berý rolikteriniń sany 80 myńnan astam qurady.
Bastamany ilgeriletýge joba ambassadorlary kómektesti, onyń ishinde himiia pániniń muǵalimi Ulan Úsenov @wannabeteacher, sondai-aq ótken jylǵy baiqaý jeńimpazdary fizika pániniń muǵalimi Hamza Dáýletbek @khamza_d pen robototehnika pániniń oqytýshysy Haidar Myrzahmetov @neverhaid bar. Atalǵan avtorlar oqytýshylarǵa arnalǵan arnaiy vebinarda sóz sóilep, tanymdyq mazmundy TikTok-tyń keń aýditoriiasyn qyzyqtyratyndai etip qalai túsirý kerektigin aityp berdi.
Oqytý rolikterin ornalastyryp, eń kóp laik pen qaralym jinaǵan úsh oqytýshy baiqaý jeńimpazy atandy.
- • Matematika muǵalimi Baibolat Seidahan @baibolll milliondaǵan qaralym jinaityn qazaq tilinde beinerolikter jasaidy. Avtor mundai tanymaldylyqqa kúrdeli esepterdiń sheshimderin túsindiretin jáne logikaǵa arnalǵan tapsyrmalardy usynatyn mazmun arqasynda ie boldy. Beibolat matematikalyq bilimniń naqty ómirdegi máselelerdi sheshýge qalai kómektesetinin kórsete otyryp, matematikany praktikalyq qoldanýǵa basa nazar aýdarady. Jas pedagog matematika - formýlalardyń qyzyqsyz jiyntyǵy emes, álemdi túsinýdiń qyzyqty quraly ekenin kórsetedi.
- • Evgenii Solonitsyn @eugenius_official – oqýshylardyń tilinde sóilesetin algebra jáne geometriia pániniń jas muǵalimi. Ol ázil men ómir mysaldaryn belsendi qoldanyp, keń aýditoriiany qyzyqtyratyn qyzyqty beinerolikter jasaidy. Mysaly, rolikterdiń birinde ol shólde qansha qum bar ekenin qalai esepteýge bolatynyn túsindiredi.
- • Marina Frangýlidi, bir mektepte 37 jyldyq tájiribesi bar muǵalim bilimimen ǵana emes, sonymen qatar jeke oilarymen jáne ádistemelik usynystarymen bólisedi. Onyń akkaýnty - muǵalim jumysyna degen erekshe kózqaras. Mysaly, rolikteriniń birinde ol oqýshylardyń ómirindegi jetistikterge áser etýi múmkin faktorlardy talqylaǵannan keiin óz oiymen bólisedi. Marinanyń kontenti bilim berý protsesine degen qyzyǵýshylyqty arttyrýmen qatar basqa muǵalimderdi de qoldaýǵa baǵyttalǵan.
"Qazaqstandaǵy oqytýshylar úshin baiqaýdy úshinshi ret ótkizip otyrmyz jáne jobaǵa degen qyzyǵýshylyqtyń jyl saiyn artyp kele jatqany asa qýantady. Joba TikTok úshin biregei bolyp otyr jáne onyń Qazaqstanda ótkizilýi beker emes. Elde jańa formattarmen tájiribe jasaýǵa jáne túrli pánder boiynsha bilimderimen qysqa beine formatynda bólisýge daiyn talantty ári batyl oqytýshylar sany óte kóp ekendigin baiqadyq. Al qazaqstandyq qoldanýshylarymyz óz kezeginde osyndai mazmundy kórip, ózderi úshin tyń ári paidaly nárseni bilýge úlken yqylas bildiredi", - dedi Ortalyq Aziiadaǵy TikTok Operatsiialyq bóliminiń basshysy Saif Mýdjahid.
Baiqaý jeńimpazdarynyń árqaisysy iPhone 16 Pro smartfon túrindegi qundy syilyqqa ie bolady, bul olarǵa TikTok platformasy úshin odan da jaqsy mazmun jasaýǵa kómektesedi.
