Foto: videodan skrin
Biyl jyl basynan beri Ulttyq qaýipsizdik komiteti tergegen qylmystyq ister aiasynda terrorizm jáne ekstremizmge qatysy bar 17 adam túrli merzimge bas bostandyǵynan aiyryldy, dep habarlaidy Ult.kz.
Olardyń biri — Almaty qalasynyń turǵyny. Ol 2017 jyly halyqaralyq terroristik uiymdardyń quramynda soǵys qimyldaryna qatysý úshin shetelge ketken. 2025 jyly sheteldik arnaiy qyzmettermen birlesken operatsiia nátijesinde ustalyp, Qazaqstanǵa jetkizildi. Sot ony terroristik áreketke qatysqany úshin 8 jylǵa sottady.
Taǵy bir is Kókshetaý qalasynyń turǵynyna qatysty. Ol 2013 jyly shetelge ketip, internet arqyly terrorizm men dini ekstremizmdi nasihattaǵan. Birlesken halyqaralyq operatsiia barysynda ustalyp, elge qaitaryldy. Sot úkimimen ol 9 jyl 6 aiǵa bas bostandyǵynan aiyryldy.
Sonymen qatar, Astana, Almaty, Shymkent qalalarynda, sondai-aq Aqmola jáne Ulytaý oblystarynda terroristik qylmys jasady degen kúdikpen 6 dini radikal ustaldy.
Budan bólek, jazasyn ótep jatqan taǵy 4 adamǵa túrmede otyryp terrorizmdi nasihattady jáne dini alaýyzdyqty qozdyrdy degen aiyp taǵyldy.
Tergeý málimetinshe, kúdiktiler internette jáne óz ortasynda ekstremistik materialdar taratyp, ózge kózqarastaǵylarǵa kúsh kórsetýge shaqyrǵan. Qazirgi tańda Qylmystyq kodekstiń 174 jáne 256-baptary boiynsha sotaldy tergeý jalǵasyp jatyr.
