Foto: ashyq derekkózden
Petropavlda birneshe ret páter urlyǵyn jasaǵan 55 jastaǵy er adam qolǵa tústi. Kúdikti esikti buzbai, terezeni kúshpen ashý arqyly turǵyn úilerge kirip otyrǵan, dep habarlaidy Ult.kz.
2026 jylǵy 3 naýryzda Qazaqstan Media basylymynyń habarlaýynsha, keminde eki qylmys birdei tásilmen jasalǵan. Páter ieleri úide joq sátti paidalanǵan er adam jyldam ári únsiz áreket etken.
Oqiǵalardyń birinde onyń oljasy jarty million teńgege jýyq altyn áshekei bolǵan.
Qylmystyń ashylýyna beinebaqylaý kameralary septigin tigizdi. Jazbalar arqyly jedel qyzmetkerler kúdiktiniń izine túsip, kóp uzamai onyń jeke basyn anyqtaǵan.
Soltústik Qazaqstan oblysy Politsiia departamenti málimetinshe, ustalǵan azamat buǵan deiin de osyǵan uqsas qylmystar úshin quqyq qorǵaý organdarynyń nazaryna ilikken 55 jastaǵy Petropavl turǵyny. Qazir ol qamaýda. Urlanǵan múliktiń bir bóligi tárkilengen.
Tergeý jalǵasyp jatyr. Politseiler dál osy tásilmen jasalǵan basqa da qylmystar bolýy múmkin ekenin joqqa shyǵarmaidy.
Jyl basynan beri óńirde turǵyn úige zańsyz kirý arqyly jasalǵan toǵyz urlyq tirkelgen. Barlyǵy ashylǵan. Ótken jyldyń osy kezeńinde mundai 11 derek tirkelgen.
Buǵan deiin Almaty qalasynda kriminaldyq politsiia páter urylarynan quralǵan topty ustaǵany habarlanǵan bolatyn.
