Halyqaralyq tennis federatsiiasy (ITF) Devis jáne Federatsiia kýboginiń finaldyq kezeńi 2021 jylǵa aýystyrylǵanyn jetkizdi, dep habarlaidy "Ult aqparat".
Qazaqstan tennis federatsiiasynan alynǵan málimetke qaraǵanda, ITF prezidenti Devid Haggerti koronavirýs qaterine bailanysty komandalyq jarystardyń kelesi jylǵa shegerilgenin málimdedi.
Devis kýbogynyń finaly biyl 22-29 qarashada Madridte ótýi kerek edi. Endi ol 2021 jyly 22-28 qarashada Madridte ótetin boldy. Jarysqa biylǵy finalǵa joldama alǵan 18 komanda qatysady.
Madridke Qazaqstan erler quramasy da barady. Olardyń bolashaq qarsylastary Shvetsiia men Kanada tennisshileri bolmaq.
Sol sekildi Federatsiia kýbogynyń finaldyq kezeńi aldaǵy jyly 13-18 sáýirde Býdapeshte ótetin boldy. Buǵan da qazaqstandyq quramanyń qatysýǵa múmkindigi bar. Qazaqstan áielder quramasy plei-off matchyn 2021 jylǵy 5-6 aqpan kúnderi Argentina tennisshilerimen ótkizedi.
Biyl koronavirýs qaterine bailanysty ATP men WTA-nyń barlyq jarystary keiinge qaldyrylǵan bolatyn. Bul dodalar tamyzda ǵana jalǵasýy múmkin.
Eske sala keteiik, budan buryn Dmitrii Popkonyń AQSh-taǵy týrnirde bir kúnde úsh jeńiske qol jetkizgenin jazǵan bolatynbyz.
