Atyraý oblysynda ornalasqan Teńiz kenishindegi munai jelisinde aqaý boldy, dep habarlaidy "Ult aqparat".
Oblystyq Ekologiia departamentinen málim etkendei, keshe, 1 shildede saǵat 17:40-ta «Teńizshevroil» JShS igerip jatqan Teńiz ken ornyndaǵy munai jelisinde aqaý paida bolǵan.
«Ekinshi býyn zaýytynyń munai jelisinde klapannyń jabylý sebebinen zaýyt jumysy men shiki gazdy jer qoinaýyna aidaý óndirisi toqtatyldy. Óndiris pen qyzmetkerlerdiń qaýipsizdigin qamtamasyz etý maqsatynda alaýda otyn gazy jaǵyldy» - dep habarlady departamenttiń baspasóz qyzmeti.
Osyǵan bailanysty departament mamandary jospardan tys tekserý júrgizbek. Aqaýdyń sebepteri men ózge de málimetter sodan keiin habarlanady.
