Atyraý oblysyndaǵy Teńiz kenishinde túiirshiktelgen kúkirt shyǵaratyn zaýyt iske qosyldy, dep habarlaidy "Ult aqparat".
Jańa zaýytta aiyna 40 myń tonna túiirshiktelgen kúkirt óndiriledi. Bul joba ekologiialyq qaýipsizdikti jaqsartyp, óndiristik táýekelderdi azaitady.
«Teńiz kenishiniń túiirshiktelgen kúkirti Afrika, Eýropa, Qytai jáne basqa elderdiń naryǵyna eksporttalady. Kúkirtti basqarý jospary aiasynda jergilikti kompaniianyń múmkindigin damytý kózdeldi. Sondyqtan kúkirtti óńdeý qýatyn keńeitetin joba júzege asyryldy», - deidi «Teńizshevroil» JShS bas direktory Kevin Laion.
Onyń aitýynsha, jergilikti kompaniialardy damytý – kompaniianyń negizgi strategiialarynyń biri. Jobany júzege asyrýǵa tartylǵan qazaqstandyq «Caspian Group Construction» JShS eki jylǵa jetpeitin merzimde jabdyqtardy ornatý men iske qosý jumysyn sátti aiaqtaǵan. Jańa zaýytta jergilikti 60-tan asa adamǵa jumys orny ashylǵan.
«Zaýyt portativti jáne ońai jinalatyn GXM3 qondyrǵysymen jabdyqtaldy. Túiirshiktelgen kúkirt shyǵarý úshin álemdegi eń ozyq tehnologiialar qoldanylyp otyr», - dedi túiirshiktelgen kúkirt zaýytynyń menedjeri Ǵaliasqar Itishev.
