Atyraý oblysyndaǵy Teńiz kenishinde aialdamada qaldyrylǵan sómke kúdik týdyrdy, dep habarlaidy "Ult aqparat"
Oblystyq politsiia departamentiniń baspasóz qyzmetinen málim etkendei, 20 mamyrda saǵat 8:15 shamasynda Teńiz kenishindegi aialdamalardyń birinde belgisiz sómke anyqtalǵany týraly habar túsken.
«Oqiǵa ornynda quqyq qorǵaý organdarynyń qyzmetkerleri tiisti algoritmke sáikes áreket etti. Azamattardyń qaýipsizdigin qamtamasyz etý maqsatynda aimaqty qorshaýǵa aldy. Arnaýly mamandar aialdamada kúdik týdyrǵan sómkeni tekserdi. Sómkeniń ishine jarylǵysh nemese ózge de qaýip tóndiretin zattar salynbaǵany anyqtaldy», -dep habarlady departamenttiń baspasóz qyzmeti.
