Foto: Ekologiia jáne tabiǵi resýrstar ministrligi
Teńiz ken ornynda oqys oqiǵa tirkeldi. Bul aqparatty "Teńizshevroil" (TShO) kompaniiasy rastady, - dep habarlaidy Ult.kz.
Kompaniia baspasóz qyzmetiniń málimetinshe, zardap shekkender joq.
"Biz belgilengen rásimderge sáikes oqiǵanyń naqty sebepterin anyqtap jatyrmyz. Degenmen, óndiristik qyzmettiń egjei-tegjeilerin jariialamaimyz", – dep habarlady TShO.
Qondyrǵylardyń birinde órt shyqqany belgili boldy. Oqiǵa 11 naýryz keshke tirkelgen.
Eske sala keteiik, 18 qańtarda Teńiz ken ornyndaǵy úshinshi býyn zaýytynda da órt shyqqan edi. Sol oqiǵadan keiin Teńiz jáne Korolevskoe ken oryndarynda munai óndirý ýaqytsha toqtatylǵan bolatyn.
Teńiz ken ornynda órt oqiǵasy tirkeldi. Kompaniia zardap shekkender joq ekenin habarlady, biraq óndiris qaýipsizdigi máselesi qaita nazarda tur.
