Qaraǵandy oblysynyń Temirtaý qalasynda 22 jyl quldyqta bolǵan jalǵyzbasty anaǵa qaiyrymdylyq qory baspana syilady, dep habarlaidy "Ult aqparat".
Madina 22 jyl qystaqta quldyqta bolǵan. Onyń úsh balasy bar. «Hareket» qaiyrymdylyq qory jalǵyzbasty anaǵa eki bólmeli páterdiń kiltin tabystady.
«Bul kelinshek týraly «Qaisar« qaiyrymdylyq qory arqyly bildik. Qor ókilderi oǵan bostandyqqa shyǵýǵa kómektesken jáne onymen bir jyl jumys istedi. Al biz Madinaǵa Temirtaýda eki bólmeli páter syilaýdy uiǵardyq. Páter jaqsy, jóndeý jumystary jasalǵan», – deidi Qaraǵandy oblysy boiynsha «Hareket» QQ direktory Aqtoty Júnisova.
Qazir Madina men onyń balalarynyń ómiri jaqsaryp keledi.
«Meniń otbasyma kómekteskenderdiń barlyǵyna rahmet aitqym keledi. «Hareket» jáne «Qaisar» qorlaryna erekshe alǵys bildiremin. Olar meniń aiaǵyma turyp, qalypty ómirge oralýyma kemektesti», – deidi Madina.
Esterińizge sala keteiik, «Hareket» QQ úsh jyldan beri jumys istep keledi. Osy ýaqyt ishinde qor respýblika boiynsha 500-ge jýyq otbasyn, onyń ishinde Qaraǵandy oblysynda 80-nen astam januiaǵa baspana syilady. «Hareket» jetim, kópbalaly, jesir, jalǵyzbasty analarǵa, erekshe bala tárbielep otyrǵan otbasylarǵa kómektesedi.
