Temirtaýdyń otyz jastaǵy turǵyny Evgenii Bondarenko betmobil qurastyrdy. Erekshe kólikti qurastyrýǵa ol úsh jyl ýaqytyn jumsaǵan, dep habarlaidy "Ult aqparat".
Evgenii onlain-saýda salasynda jumys isteidi. Bala kezinen ol Betmen men Kristofer Nolannyń «Tiomnyi rytsar» dastany týraly filmniń jankúieri bolǵan.
«Men bala kezimnen filmderdi, komiksterdi jaqsy kóremin. Barlyǵy sodan bastaldy. Men betmobil qurastyrýǵa tyrystym. Aldymen jobasyn úiimde edenge saldym. Sodan keiin ony is júzinde jasap shyǵarýdyń joldaryn oilastyrdym. Óz jobamdy «Ford» júk kóliginiń artqy kópirinen bastadym. Sodan keiin men basqa kólikterdiń bólshekterin qoldandym», – dedi Evgenii.
Evgeniidiń betmobili áli aiaqtalǵan joq. Biraq ossy qalpynda da júrgizýge jaramdy. Ázirge joba avtory test-draiv ótkizbegen. Biraq ol óziniń erekshe temir tulparyn jarnama jasaý úshin paidalanýǵa jáne onymen birge kórmelerge qatysýǵa nietti.
«Qazirgi ýaqytta men jol talǵamaityn kólik qurastyrýmen ainalysqym keledi. Onyń ótkizgishtigi óte joǵary bolady. Árine, ol betmobilge qaraǵanda qarapaiymyraq bolady», – dep Evgenii josparlarymen bólisti.
