Tájikstan Respýblikasy úkimeti otyrysynyń hattamalyq tapsyrmasy negizinde jáne koronavirýstyń taralýyna jol bermeý maqsatynda aldaǵy ýaqytta úilený toilary tek otbasylyq sheńberde ótkiziledi, dep habarlaidy Hovar agenttigi.
Dúisenbi, 27 shildeden bastap engiziletin jańa tártip boiynsha, toiǵa qatysatyndar sany 30-40 adamnan aspaýy kerek.
Osyǵan bailanysty komitet respýblikanyń oblys, qala jáne aýdandaǵy atqarýshy organdaryna telegramma jiberdi.
«Bul tártip eldegi koronavirýs jaǵdaiy turaqtalǵanǵa deiin saqtalady», - dep atap ótti Tájikstan Respýblikasy Úkimeti janyndaǵy Din isteri komitetiniń baspasóz hatshysy Afshini Mýkim.
Buǵan deiin Tájikstanda epidemiiaǵa qarsy sharalardy kúsheitý jónindegi respýblikalyq shtab 20 maýsymnan bastap elde 100 adamǵa deiin qatysatyn is-sharalardy ótkizýge ýaqytsha ruqsat etken bolatyn.
