Foto: gov.kz
Qazaqstanda «Taza Qazaqstan» respýblikalyq aktsiiasy aiasynda @TazaQazBot Telegram chat-boty óz jumysyn jalǵastyrýda. Bul — turǵyndarǵa ekologiia jáne abattandyrý salasyndaǵy máseleler týraly tikelei habarlaýǵa múmkindik beretin yńǵaily tsifrlyq servis.
Atalǵan servis 2024 jyldyń maýsym aiynda iske qosylyp, búginde memlekettik organdarmen bailanys ornatýdyń tiimdi ári keńinen qoldanylatyn arnasyna ainaldy. Ótinim joldaý úshin Telegram qosymshasynda chat-botqa kirip, avtorizatsiiadan ótip, máseleniń fotosyn tirkep, naqty mekenjaiyn kórsetip, qysqasha sipattama qaldyrý jetkilikti. Ótinim avtomatty túrde tiisti organdarǵa joldanyp, artyq qońyraýlar men qosymsha júginýlerdi qajet etpeidi.
Platformanyń basty artyqshylyqtarynyń biri — ashyqtyq. Paidalanýshy árbir ótinimniń oryndalý mártebesin baqylap otyra alady. Jumys aiaqtalǵannan keiin fotoesep usynylyp, kórsetilgen qyzmettiń sapasyn baǵalaý múmkindigi beriledi.
Barlyq ótinimder 21 sanat boiynsha jikteledi. Olardyń qatarynda aýmaqtardy tazalaý, qoqys shyǵarý, joldardy jóndeý, jaryqtandyrý, kógaldandyrý jáne sý aidyndaryn tazartý siiaqty baǵyttar bar. Bul óz kezeginde ótinimderdi jedel óńdeýge jáne tiisti qyzmetterge naqty baǵyttaýǵa múmkindik beredi.
2025 jyldyń qorytyndysy boiynsha chat-bot arqyly 26 myńnan astam ótinim túsip, onyń 24 myńnan astamy sátti oryndalǵan. Eń kóp suranysqa ie baǵyt — aýmaqtardy tazalaý.
2026 jyldyń birinshi toqsanynda 4 myńnan astam ótinim kelip tústi, olardyń basym bóligi búginde oryndaldy.
@TazaQazBot tsifrlyq servisterdiń turǵyndar men memleket arasyndaǵy ózara bailanysty jaqsartýdaǵy, máselelerge jedel áreket etýdegi jáne jergilikti atqarýshy organdar jumysynyń tiimdiligin arttyrýdaǵy mańyzyn aiqyn kórsetedi.
@TazaQazBot — jaily ári taza orta qalyptastyrýdaǵy sizdiń senimdi quralyńyz.
