Foto: newsroom.kz
Qazaqstan Syrtqy ister ministrligi Taiaý Shyǵys elderinen azamattardy evakýatsiialaý jumystary tolyq aiaqtalǵanyn málimdedi, dep habarlaidy Ult.kz.
Resmi málimetke sáikes, óńirden barlyǵy 10 275 qazaqstandyq Otanyna qaitaryldy. Azamattardy evakýatsiialaý áýe jáne qurlyq baǵyttary arqyly júzege asyryldy.
Ministrliktiń habarlaýynsha, óńirdegi qazaqstandyq diplomatiialyq ókildikter sheteldik quzyretti organdarmen ózara úilestirý jumystaryn júrgizip, azamattarmen turaqty bailanysta bolǵan. Sonymen qatar otandastarǵa qajetti konsýldyq kómek kórsetilgen.
Syrtqy ister ministrligi qazaqstandyqtardyń qaýipsiz elge oralýyna qoldaý bildirgen memlekettik organdar men sheteldik seriktesterge alǵys aitty.
