Foto: Airarabia.com
Birikken Arab Ámirlikteri áýe keńistigin tolyqtai japty. Bul týraly eldiń azamattyq aviatsiia jónindegi bas basqarmasy málimdedi.
Resmi aqparatqa sáikes, bul — ýaqytsha qabyldanǵan qaýipsizdik sharasy. Emirates News Agency basylymynyń habarlaýynsha, shekteý eldegi qaýipsizdik jaǵdaiyna bailanysty engizilgen.
Osy ýaqytta eldiń Qorǵanys ministrligi áýe shabýylyna qarsy júielerdiń iske qosylǵanyn rastady. Málimetke sáikes, zymyrandar men drondar sátti túrde joiylǵan.
“Estilip jatqan dybystar – áýe qorǵanys kúshteriniń zymyrandar men drondardy toqtatý áreketi”, – delingen X áleýmettik jelisindegi resmi habarlamada.
Sarapshylardyń pikirinshe, bul jaǵdai Taiaý Shyǵystaǵy shielenistiń kúsheiýimen bailanysty. Ásirese, Iran tarapynan munai tasymaldaýshy kemelerge, sondai-aq amerikalyq jáne izraildik nysandarǵa jasalyp jatqan shabýyldar aimaqtaǵy qaýipsizdikke qater tóndirip otyr. Osy qaýiptiń aiasynda BAÁ de yqtimal nysan retinde qarastyrylýda.
