Almatyda «Rýhani jańǵyrý» baǵdarlamasy aiasynda Táýelsizdiktiń 30 jyldyǵy qarsańynda qoǵam qairatkerleri arnaiy jiyn ótkizdi. «Elimizdiń astanasy - uly dala júregi» taqyrybynda ótken dóńgelek ústel basyna jinalǵan ziialylar Táýelsizdik jyldaryndaǵy rýhani jańǵyrýdy talqylady, - dep habarlaidy «Ult aqparat».
Qazirgi elimizdegi pandemiiaǵa bailanysty onlain ótken sharaǵa qatysýshylar elimizdiń jáne el astanasy Nur-Sultan qalasynyń tarihy jáne almatylyq qoǵamdastyqtyń onyń damýyna qosqan úlesi týraly sóz etti.
«Barshańyz biletindei, «Qazaqstan – táýelsizdik – jańa astana» túsinigi bizdiń memlekettiligimizdiń, bizdiń bolashaǵymyzdyń birtutas simvolyna ainaldy. Bizdiń kópshiligimiz 1994 jyly astanany kóshirý týraly máseleni qaraǵan kezde Tuńǵysh Prezident osy ǵimaratta Joǵarǵy Keńes depýtattaryn «jańa astana» arqyly Qazaqstan tek jańa qoǵamdyq-saiasi ǵana emes, sonymen birge Qazaqstannyń iri ǵylymi, mádeni jáne iskerlik ortalyǵyna ie bolatynyna sendirgenin jaqsy bilemiz. Búginde Memleket basshysy Qasym-Jomart Toqaevtyń basshylyǵymen elimiz óziniń astanasy siiaqty jahandyq ózgerister men pandemiiaǵa qaramastan senimdi túrde alǵa qarai damýda», — dedi Erjan Babaqumarov.
«Almaty - Táýelsizdiktiń besigi» jáne kóptegen tarihi sheshimder osynda qabyldandy degen Almaty qalalyq ardagerler keńesiniń tóraǵasy, Joǵarǵy Keńestiń eks-depýtaty Ahan Bijanov Astana kúnininiń mańyzdylyǵyna toqtaldy.
«Iá, meniń esimde 6 shilde mańyzdy kún retinde qaldy, biz, Joǵarǵy Keńestiń depýtattary, jazǵy sessiianyń qorytyndy otyrysyna keldik. Qazaqstan Respýblikasynyń Prezidenti óz sózinde astanany Aqmolaǵa geosaiasat, ekonomika jáne basqa aspektiler turǵysynan kóshirý qajettiligine jaqsy taldaý jasady. Sol kezdegi depýtattyq korpýs bul sheshimdi kópshilik daýyspen qabyldady. Bul óte durys sheshim bolǵanyn ýaqyt kórsetti. Búgingi tańda Nur-Sultan – bizdiń úlken maqtanyshymyz – úlken ǵylymi jáne mádeni ortalyq. Ol sáýlet jáne atmosferasy jaǵynan álemniń kóptegen astanalarynan erekshe. Men osy oqiǵanyń kýágeri retinde barlyq jurtshylyqty Astana kúnimen quttyqtaimyn», — dedi A. Bijanov.
Al Qazaqstan Jazýshylar odaǵy basqarmasynyń tóraǵasy Ulyqbek Esdáýlettiń pikirinshe, Nur-Sultan – memleketimizdiń júregi, ekonomikalyq damýdyń tiregi, elimizdiń mádeni kelbeti.
«Buryn astana Aqmola, odan keiin Astana, al búginde Nur-Sultan dep ataldy. Biz qalanyń óskenine, ǵimarattardyń kóterilgenine, kóshelerdiń abattandyrylǵanyna kýáger boldyq. Bizdiń astanamyz – erekshe sáýlet kelbetiniń jiyntyǵy, mysaly, Piramida, Han Shatyr jáne basqalary. Jazýshylar odaǵynyń Nur-Sultandaǵy filialy da óziniń ereksheligimenen tanymal, biz buǵan óte qýanyshtymyz. Elordadaǵy barlyq tanymal jazýshylarǵa eskertkishter ornatylyp, alleialar men alańdar ashylýda», — dedi U. Esdáýlet.
Sonymen qatar, Qazaq Ulttyq agrarlyq zertteý ýniversitetiniń rektory Tilektes Espolov jańa astananyń qalyptasýyndaǵy Tuńǵysh Prezident – Elbasynyń erekshe rólin atap ótti. Onyń aitýynsha, Qazaqstan Respýblikasy Táýelsizdiginiń 30 jylynda elordanyń qurylysy – bizdiń jetistigimiz. Sonymen birge, Tuńǵysh Prezidentimiz Nursultan Nazarbaevtyń arqasynda respýblikadaǵy barlyq ulttar men halyqtar birikken, ol Táýelsiz Qazaqstannyń jańa tarihynyń negizin qalaǵanyn atap ótti.
Sonymen birge, Qazaqstannyń memleket qairatkeri Amangeldi Shabdarbaev, Qazaqstannyń halyq ártisi Roza Rymbaeva, QR memleket qairatkeri Ǵani Qasymov, Qazaq agrarlyq zertteý ýniversitetiniń prorektory Zaǵipa Balieva, Qazaqstan halqy Assambleiasynyń múshesi, «Almatyinjstroi» AQ bas direktory, Esil ózeniniń jaǵalaýyn jasaǵan Bronislav Shin, Qazaqstan halqy Assambleiasynyń múshesi, qoǵam qairatkeri Ahmetjan Shardinov, sonymen qatar tarih ǵylymdarynyń doktory, professor Georgii Kan óz oilarymen bólisti. Bári de Táýelsizdiktiń 30 jyldyǵymen, Astana kúnimen quttyqtap, rýhani jańǵyrýdyń negizgi tetikterin talqylady.
Shara barysynda «Turan» ýniversitetiniń rektory, Almaty qalasy Qoǵamdyq keńesiniń tóraǵasy R. Alshanov, QR Prezidenti Arhiviniń eks-direktory B. Japarov, QBTÝ rektory m. a. M. Ǵabdýllin sóz sóiledi.
Dóńgelek ústel sońynda qala ákiminiń orynbasary Erjan Babaqumarov Qazaqstan Respýblikasynyń Tuńǵysh Prezidenti – Elbasy Nursultan Nazarbaevtyń «Táýelsizdik dáýiri» kitabynda bizdiń memleketimiz ben astanamyzdyń qalai qurylǵany jáne salynǵany týraly aitylatynyn atap ótti, jastardy osy kitapty oqýǵa shaqyrdy.
Esterińizge sala keteiik, Almatyda «Rýhani jańǵyrý» baǵdarlamasy aiasynda Táýelsizdiktiń 30 jyldyǵy qarsańynda qoǵam qairatkerleri arnaiy jiyn ótkizdi. «Elimizdiń astanasy - uly dala júregi» taqyrybynda ótken dóńgelek ústel basyna jinalǵan ziialylar Táýelsizdik jyldaryndaǵy rýhani jańǵyrýdy talqylady. Qazirgi elimizdegi pandemiiaǵa bailanysty onlain ótken sharaǵa qatysýshylar elimizdiń jáne el astanasy Nur-Sultan qalasynyń tarihy jáne almatylyq qoǵamdastyqtyń onyń damýyna qosqan úlesi týraly sóz etti.
