Foto: Gov.kz
Qazaqstan 2025 jyldyń alǵashqy ailarynda 2 185 etnikalyq qazaqty qandas retinde qabyldap, tarihi otanymen tabystyrdy. Jalpy 1991 jyldan beri elge 1 million 150 myńnan astam etnikalyq qazaq oraldy. Bul týraly QR Eńbek jáne halyqty áleýmettik qorǵaý ministrligi málimdedi, dep habarlaidy Ult.kz.
Jyl basynan beri Qazaqstanǵa kelgen qandastardyń:
- 46,4% Qytaidan,
- 41% – Ózbekstannan,
- 7,1% – Túrikmenstannan,
- 1,9% – Reseiden,
- 1,6% – Monǵoliiadan jáne 2% basqa elderden kelgen.
"Osy jylǵy 1 naýryzdaǵy jaǵdai boiynsha eńbekke qabiletti jastaǵy etnikalyq qonys aýdarýshylar sany 60,8%-dy, kámeletke tolmaǵandar 30,8%-dy jáne zeinetkerler 8,4%-dy quraidy. Eńbekke qabiletti jastaǵy qandastardyń ishinen bilim deńgeii boiynsha 16,8%-y joǵary bilimdi, 30,7%-y orta kásibi bilimdi, 50,8%-y jalpy orta bilimdi jáne 1,7%-ynyń bilimi joq", – delingen ministrlik habarlamasynda.
Qandastardy qonystandyrý úshin kelesidei eńbek kúshi tapshy óńirler anyqtalyp, ornalastyrylǵan:
- Aqmola,
- Abai,
- Qostanai,
- Pavlodar,
- Atyraý,
- Batys,
- Shyǵys jáne Soltústik Qazaqstan oblystary.
