Táýelsizdik jyldarynda Qazaqstan halqy 4 mln adamǵa kóbeigen. Táýelsizdiktiń 30 jyldyǵyna arnalǵan ǵylymi-praktikalyq konferentsiiada QR Premer-Ministriniń orynbasary Eraly Toǵjanov osyndai málimet keltirdi, dep habarlaidy QazAqparat.
«Búgingi 10 jeltoqsan Qazaqstannyń Tuńǵysh Prezidenti Nursultan Ábishulynyń tikelei halyq sailaýy arqyly bilikke kelip, ant bergen kúnimen sáikes kelip otyr. Sonymen qatar 10 jeltoqsan búgingi Qazaq KSR-niń Qazaqstan Respýblikasy bolyp ózgergen kúnimen sáikes kelip tur», - dep bastaǵan vitse-premer 30 jyl burynǵy qiyndyqtardy eske aldy.
«30 jyl buryn Qazaqstan áleýmettik-ekonomikalyq turǵyda álsiregen memleket edi. Ómir sapasy boiynsha biz burynǵy odaqtas elderdiń arasynda 13 orynda turdyq. KSRO qulaǵannan keiin burynǵy odaqtastar arasyndaǵy ekonomikalyq bailanystyń úzilýi shuǵyl giperinfliatsiiaǵa, turaqty biýdjet tapshylyǵyna, halyq tabysynyń shapshań tómendeýine, jappai jumyssyzdyqtyń ósýine ákep soqtyrdy. Infliatsiia 3000 protsetke jetken kezderi boldy. Osyndai kúrdeli kezeńde Ult kóshbasshysy eldiń damýyna negiz bolǵan «Áýeli ekonomika, saiasat sodan keiin» deitin strategiiany qabyldady. Tuńǵysh Prezidenttiń jeke basshylyǵymen qysqa merzimde naryqtyq ekonomikaǵa jol ashqan irgeli zańnamalyq baza qurylyp, jańa fiskaldyq jáne bank júiesi engizildi», - dedi Eraly Toǵjanov.
Úkimet basshysynyń orynbasary Táýelsizdik jyldarynda qol jetkizgen tabystardy sanmen sóiletti.
«Táýelsizdik simvolynyń biri retinde ulttyq valiýta – teńge ainalymǵa shyǵaryldy. Jańa saýda-ekonomikalyq bailanys ornatý boiynsha sharalar qabyldandy. Naryq sharttaryna kásiporyndardy ǵana emes, halyqty da ikemdeý kerek edi. Bul múmkin boldy. Otandyq biznestiń damý jaǵdaiy túbegeili ózgerdi. Jumys istep turǵan shaǵyn jáne orta biznestiń sany 2005 jylǵy 500 myńnan 2021 jyly 1,4 millionǵa deiin artty. Nátijesinde 30 jyl ishinde jalpy ishki ónim kólemi dollar ekvivalentinde 17 ese ósti. Osy sharalardyń bári eldiń uzaq merzimdi áleýmettik-ekonomikalyq damýy men saiasi turaqtylyǵyna negiz boldy. Halyqtyń tabysy 10 ese artyp, jumyssyzdyq deńgeii 12,8 paiyzdan 4,9 paiyzǵa deiin azaidy. 20 jyldyń ishinde halyqtyń sany 4 mln adamǵa kóbeidi. Búgin eldegi ómir súrý uzaqtyǵy 71-ke deiin ulǵaidy. El táýelsizdiginiń basynan beri 1,5 mln azamat turǵyn úi jaǵdaiyn jaqsartty. 5 myńnan astam jańa áleýmettik nysan salyndy. Sonyń arqasynda balalardy mektepke deiingi bilim berýmen qamtý úlesi 99 paiyzǵa deiin jetti», -dedi vitse-premer.
