1 shilde men 15 tamyz aralyǵynda Tatarstan erikti stýdentterdiń tórt tobyn Ýkrainanyń Resei basyp alǵan jerine jiberýdi josparlap otyr, dep habarlaidy Azattyq.
"Resei stýdentteriniń otriady" búkilreseilik qoǵamdyq uiymy Tatarstan bólimshesiniń "VKontakte" áleýmettik jelisindegi paraqshasynda "DHR-daǵy "Saýr Mogila" memorialdy keshenin abattandyrýǵa jáne infraqurylymdardy qalpyna keltirip, úiindilerdi arshýǵa eriktiler jinap jatqany týraly" habarlama jariialanǵan.
28 maýsymda jariialanǵan postqa "Groza" búgin nazar aýdarǵan.
Joǵaryda atalǵandardan ózge "stýdentter "LHR" meditsina mekemelerinde, balalar ortalyǵy men demalys úilerinde jetekshi bola alady" delingen aqparatta.
Buǵan deiin mektep muǵalimderi men pedagogika oqý oryndarynyń stýdentteri Ýkrainanyń Resei basyp alǵan Herson jáne Zaporoje óńirine issaparǵa jiberiletini jóninde habar taraǵan.
"Idel.Realii" Chývashiia Ýkrainanyń Resei basyp alǵan jerine jazǵy jumysqa barǵysy keletin muǵalimderge jumys usynyp jatqanyn jazǵan edi.
