Máskeý qalasy men Máskeý oblysynda koronavirýs infektsiiasynyń taralymy 4-5 ese azaiǵan. Bul málimetti TASS Epidemiologiia ortalyǵy ǵylymi-zertteý institýtynyń direktory Vasilii Akimkinge siltep habarlady.
"Testten ótkizý kóbeigenimen koronavirýs juqtyrǵandar kóbeigen joq" dep málimdedi Akimkin. "Búgin Máskeý men Máskeý oblysynyń 90 myńǵa jýyq adamyn testten ótkizdik, sondyqtan sońǵy aptada koronavirýs infektsiiasynyń taralymy tórt-bes ese azaidy dep aita alamyn, búgin Máskeýde 2,6%, Máskeý oblysynda 3,8 jáne 3,9 boldy, buryn 12-14% edi" dedi ol Birinshi arnanyń tikelei efirinde.
Virýs juqtyrǵandar sany jóninen keiin álemde AQSh-tan keiin ekinshi orynǵa shyqqan Resei koronavirýsqa bailanysty karantin sharalaryn naýryz aiynyń sońynda engize bastaǵan. Epidemiia sharyqtaý shegine jetken kez - mamyr aiynyń basynda kún saiyn 10-11 myńnan astam adamnan koronavirýs tabylǵan.
Álemde Covid-19 koronavirýsy 4,8 millionnan astam adamǵa juqty. Qaitys bolǵandar 310 myńnan asty. 1,8 millionnan asa adam jazyldy.
