Foto: Kazinform/ freepik.com
Búginnen bastap elimizde ailyq eseptik kórsetkish 3 932 teńge bolyp bekitildi. Ótken jyly 3 692 teńge bolǵan edi, dep habarlaidy Ult.kz Kazinform-ǵa silteme jasap.
Al qoǵamdyq oryndarda tártip buzǵan azamattarǵa salynatyn aiyppuldyń mólsheri dál osy AEK-ke bailanysty. Demek, tártip buzyp, aiyppul arqalasańyz bul otbasylyq biýdjetińizge aitarlyqtai salmaq salatyny sózsiz. Sondyqtan da tártip buzyp, aiyppul arqalamas úshin oqyrman nazaryna qandai jaǵdaida qansha qarjydan qaǵylatynyn usynamyz:
— Rámizderdi qorlaý — 11 796 000 teńge;
— podezge kireberiste ne páterdiń esiginiń aldyna qoqys salynǵan dorbany qaldyrý — 78 640 teńge;
— keshki saǵat 22-00-den keiin shýlap, eldiń tynyshtyǵyn alý — 19 660 teńge;
— qoǵamdyq orynda túkirý — 19 660 teńge;
— kólikte otyryp telefon paidalaný ne qaýipsizdik belbeýin taqpaý — 19 660 teńge;
— qujatsyz kólik júrgizý — 78 640 teńge;
— avtobýsta jolaqy tólemeý — 7 864 teńge;
— kámeletke tolmaǵan jasóspirimniń túngi 22-00-den keiin oiyn-saýyq mekemelerinde júrýi — 11 796 teńge;
— joldy belgilenbegen jerden qiyp ótý — 7 864 teńge;
— kólik jyldamdyǵyn asyrý — 19 660 teńgeden 117 960 teńgege deiin;
— qoǵamdyq orynda balaǵat sóz aitý — 78 640 teńge;
— muǵalimdi ne dárigerdi balaǵattaý — 39 320 teńge.
— qoǵamdyq orynda ishimdik ishý ne masań kúide júrý — 19 660 teńge;
— kámeletke tolmaǵandarǵa temeki ónimderin satý — 58 980 teńgeden 393 200 teńgege deiin;
— Jala jabý — 629 120 teńge;
— Jeke derekterdi zańsyz jinaý jáne óńdeý — 39 320 teńgeden 275 240 teńge;
— Qasaqana jalǵan jarnama jasaý — 393 200 teńgeden 3 932 000 teńgege deiin;
— blogerlikpen jalǵan aqparat taratý — 117 960 teńgeden 393 200 teńgege deiin;
— Tólqujatty nemese jeke kýálikti kepilzat retinde alý — 19 660 teńge;
— Qoǵamdyq orynda jabysý (saýda jasaý, qaiyr tileý, bal ashý, jezókshelik) — 19 660 teńge.
