Ulttyq qaýipsizdik organdary qyzmetkerleriniń kásibi merekesine orai Tarazda beibit turǵyndardy qutqarý jolynda óz ómirin qurban etken UQKD qyzmetkerleri Muhtar Haliev pen Sergei Kasianenkoǵa arnalǵan eskertkish-monýment ashyldy, dep habarlaidy "Ult aqparat".
Eske sala keteiik, 2011 jyly Tarazdaǵy terrorlyq shabýyl kezinde qaza tapqandardyń arasynda UQKD qyzmetkerleri Muhtar Haliev pen Sergei Kasianenko da bar bolatyn.
Olar dini ekstremistermen bailanysy bar degen kúdikke ilingen qylmyskerge syrtqy baqylaý júrgizdi.
Terrorist izine túsken jedel-izdestirý basqarmasy qyzmetkerlerine shabýyl jasap, ajal qushtyrǵan edi.
Batyrlardyń esimi endi UQKD ǵimaratynyń janyndaǵy skverde ornalasqan eskertkish-monýmentte máńgi saqtalmaq.
Saltanatty sharaǵa Jambyl oblysynyń ákimi Berdibek Saparbaev, oblys prokýrory Nurǵalym Ábdirov, UQKD bastyǵy Marat Irmenov, politsiia departamentiniń bastyǵy Janat Súleimenov jáne qaza tapqan qyzmetkerlerdiń jaqyn týystary qatysty.
Aimaq basshysy Ulttyq qaýipsizdik komitetiniń qurylǵan kúni ashylyp otyrǵan batyrlarǵa arnalǵan eskertkish-monýmenttiń airyqsha mańyzdylyǵyn atap ótti.
«Týǵan jerdegi beibitshilikti, turaqtylyqty saqtaý úshin óz ómirin qiǵan UQKD qyzmetkerleri – eli men halqyna shynaiy berilgen, sheksiz adaldyqtyń úlgisi bolyp qala bermek. Óskeleń jas urpaq osyndai azamattardan úlgi alýy tiis Osy skverdi abattandyrǵany úshin UQKD basshylyǵy men qyzmetkerlerine alǵysymdy bildiremin», - dedi Berdibek Saparbaev.
Shara barysynda qaza tapqan qyzmetker Muhtar Halievtiń ákesi Ermekbai Haliev te sóz aldy.
«Aspanymyz árqashan ashyq, elimiz beibitshilikte ómir súrsin!» – degen tilegin jetkizdi ol.
Budan soń qonaqtar UQKD ǵimaratynda ótken ulttyq qaýipsizdik organdary kúnine arnalǵan saltanatty sharaǵa qatysty.
