Foto: Ashyq derekkóz
Taraz qalasynda jolaýshy men avtobýs júrgizýshisi arasyndaǵy janjal pyshaqtasýǵa ulasty, dep habarlaidy Ult.kz Zakon.kz-ke silteme jasap.
Oqiǵa ornynan túsirilgen beine áleýmettik jelilerde tarady. Kadrlarda oqiǵa ornyna kelgen politsiia qyzmetkerleri agressivti er adamdy ustap jatqanyn kórýge bolady. Sipattamada mas kúidegi jolaýshy júrgizýshiden jumys ýaqyty aiaqtalǵanyna qaramastan baǵyt boiynsha júrýin jalǵastyrýdy talap etkeni aitylǵan.
Ekeýiniń arasynda sózge kelispeýshilik týyndap, ol tóbeleske ulasqan. Sonyń saldarynan jolaýshy júrgizýshini pyshaqpen jaraqattaǵan.
Jambyl oblysy Politsiia departamentiniń baspasóz qyzmeti salonda bolǵan janjal kezinde er adam júrgizýshige pyshaq jaraqatyn salǵany týraly habarlama túskenin málimdedi.
"Oqiǵa ornyna politsiia qyzmetkerleri dereý jetti. Kúdikti izin sýytpai ustalyp, ýaqytsha ustaý izoliatoryna qamaldy. Júrgizýshi aýrýhanaǵa jetkizildi. Atalǵan derek boiynsha sotqa deiingi tergeý bastaldy", – delingen habarlamada.
Qazirgi ýaqytta bolǵan oqiǵanyń barlyq mán-jaiyn jan-jaqty anyqtaýǵa baǵyttalǵan tergeý áreketteri júrgizilip jatyr.
9 naýryz kúni politsiia Tarazda bolǵan taǵy bir jaǵdai týraly da málimdedi. Áiel adam ózin qaraqshylyq shabýyldyń qurbany boldym dep habarlaǵan. Alaida tekserý barysynda eshqandai shabýyl bolmaǵany anyqtalǵan.
