Foto: Halyqstan Telegram arnasy
Taraz qalasyndaǵy Uly Dala shaǵynaýdanynda 51 jastaǵy er adam qaiǵyly jaǵdaida kóz jumdy, dep habarlaidy Ult.kz.
Halyqstan Telegram arnasynyń málimetine sáikes, jedel járdem qyzmetine onyń óz-ózine qol jumsaýy múmkin ekeni týraly habar túsken. Kýágerler er adamnyń psihonevrologiialyq esepte turǵanyn aitqan. Oqiǵa ornyna birden dárigerler men psihiatriialyq brigada jiberildi.
Mamandar kelgen kezde er adamnyń besinshi qabattaǵy páterinde qamalyp otyrǵany anyqtalǵan. Keiin politsiia men qutqarýshylar tartylyp, arnaiy qutqarý operatsiiasy bastaldy. Alaida er adam dárigerler men tártip saqshylarynyń talaptaryna baǵynbai, agressivti minez tanytyp, esikti ashýdan bas tartqan.
Qutqarýshylar avtosaty arqyly balkonnan kirýge áreket jasap, tómengi jaqta qaýipsizdik úshin arnaiy tósenishter jaiǵan.
Degenmen, mamandar balkonǵa jaqyndaǵan sátte er adam kenetten sekirip ketken. Qutqarýshylar ony ustap úlgergenimen, aýyr jaraqat saldarynan er adam oqiǵa ornynda kóz jumdy.
Oqiǵanyń naqty sebepteri anyqtalyp jatyr.
