Foto: ashyq derekkóz
Taraz qalasynda mektep oqýshysyn qatarlastary aiaýsyz soqqyǵa jyqqan. Saldarynan qyz bala aýyr jaraqat alyp, jansaqtaý bólimine túsken, dep habarlaidy Ult.kz.
Oqiǵa týraly zardap shekken oqýshynyń anasy áleýmettik jelide jazdy. Onyń aitýynsha, №51 mekteptiń 9-synyp oqýshysyn kóshede jeti qyz jabylyp uryp-soqqan. Soqqy alǵan oqýshy eki kún boiy jansaqtaý bóliminde jatqan.
Jambyl oblysy politsiia departamentiniń málimetinshe, oqýshyǵa jábir kórsetken jasóspirimder politsiiaǵa jetkizilip, qylmystyq is qozǵalǵan.
«Olardyń ata-analary kámeletke tolmaǵan balalaryn tárbieleý mindetterin oryndamaǵany úshin jaýapqa tartyldy. Jasóspirimder profilaktikalyq esepke qoiyldy», dep habarlady vedomstvo.
Qazirgi ýaqytta oqiǵa boiynsha tergeý amaldary júrgizilip jatyr.
