Tarazda úiden ketip qalǵan 14 jastaǵy jasócpirim qyz tabyldy, dep habarlaidy "Ult aqparat".
Taraz qalasynyń politsiia basqarmasy 2-politsiia bóliminiń kezekshi bólimine oblys ortalyǵynyń 34 jastaǵy jergilikti turǵyny habarlasyp, 14 jasar qyzy habar-osharsyz ketkenin aityp júgingen.
Áieldiń aitýynsha, kámeletke tolmaǵan jasóspirim qyz dúkenge ketip, qaita oralmaǵan.
Habarlamany alǵan politseiler tolyq quramda kórsetilgen mekenjaiǵa jol tartty.
Tártip saqshylary qyz bara alatyn jaqyn mańdaǵy aýmaqtardy aralap, qajetti izdestirý is-sharalaryn júrgizdi.
Jasóspirim qyzdy izdeýge eriktiler men janashyr turǵyndar qosyldy. Politsiia qyzmetkerleri qabyldaǵan jedel is-sharalar nátijesinde joǵalǵan qyz Taraz qalasyndaǵy kóshelerdiń birinen tabyldy.
Belgili bolǵandai, ol anasymen urysyp, ókpe-renish negizinde úiden ketken. Óz kezeginde ata-ana qyzyn aman-esen tapqan politsiia qyzmetkerlerine úlken alǵysyn bildirdi.
«Aita keterligi, statistikalyq málimetterge sáikes, 2021 jyldyń bes aiynda 82 jasóspirim úiinen ketken, 10 derek boiynsha izdeý jumysy júrgizilgen. Olardyń úiden ketý sebepteri ártúrli, onyń ishinde ata-anasymen janjaldasýyna bailanysty ketýdiń – 16 deregi, ata-ananyń baqylaýynsyz qydyrýdyń – 16 deregi jáne basqa sebeptermen bailanysty – 50 derek: adasyp ketý, uzaq ýaqyt qydyrý nemese ata-anasyna aitpai jaqyn týystaryna ketip qalý. Barlyq jasóspirim tabylyp, úiine qaitaryldy, olardy zańsyz ortaǵa tartý derekteri anyqtalǵan joq», – dedi PD JPQB bastyǵy Rahymberdi Áshkeev.
