Foto: ashyq derekkóz
Taraz qalasynda politsiiaǵa jergilikti turǵynnan ózine qaraqshylyq shabýyl jasalǵany týraly habarlama tústi, dep habarlaidy Ult.kz.
Áieldiń aitýynsha, betperde kigen belgisiz er adam onyń úiine kirip, qarýmen qorqytyp, qolyn bailap, altyn áshekeileri men aqshasyn alyp ketken.
Aýyr qylmys týraly habarlamadan keiin politsiia shuǵyl túrde tekserý jumystaryn bastaǵan. Quqyq qorǵaý organdarynyń qyzmetkerleri tergep-tekserýdi qolǵa alyp, jedel qyzmetter jumyldyrylyp, izdestirý jáne tergeý sharalary júrgizildi. Alaida kóp uzamai bul oqiǵanyń shyndyqqa janaspaityny belgili boldy.
Politsiia anyqtaǵandai, áiel adam kúieýimen janjal týyndamas úshin qaraqshylyq shabýyl týraly oqiǵany oidan shyǵarǵan. Shyn máninde ol altyn áshekeilerin birneshe ai buryn kúieýine aitpai satyp jibergen.
Atalǵan derek boiynsha qylmys týraly kórineý jalǵan habarlama berý faktisimen tergeý amaldary bastaldy.
Politsiia jalǵan aqparat taratý qylmystyq jaýapkershilikke ákep soǵatynyn eskertti. Mundai áreketter quqyq qorǵaý organdarynyń kúshteri men resýrstaryn naqty qylmystardy ashý men tergeýge jumsaýǵa kedergi keltiredi.
