Foto: Pexels.com
Tanymal bloger Beibit Álibekov óziniń Lamborghini sport kóligimen triýk jasamaq bolǵan jigit kóz jumǵanyn qaiǵyra jetkizdi. Jas jigit odan kóligin bere turýdy qiyla suraǵan, ol onymen TikTok-taǵy baiqaýǵa qatysý úshin video túsirmek bolypty. Alaida triýk sátsiz shyqqan, dep habarlaidy Ult.kz.
Túsirilim Almaty oblysy Ile aýdanyndaǵy "Sokol" avtodromynda ótken. Triýkti oryndaý kezinde Batyrhan aýyr jaraqat alyp, keiinnen aýrýhanada jan tapsyrǵan.
"...Aitarǵa sózim joq. Týǵan-týystaryna, jaqyndaryna qaiǵyryp kóńil aitamyn. Múmkin, kólikti bermeýim kerek pe edi...", - deidi Álibekov.
Bul aqparatty Almaty oblysy PD baspasóz qyzmeti rastap, qaiǵyly oqiǵa 29 qazanda Aqsai aýylyndaǵy "Sokol" avtodromynyń aýmaǵynda bolǵanyn jetkizdi.
"Oqiǵa ornynda túsirilim júrgizilgen. Triýkti oryndaý kezinde 22 jastaǵy jigit kólik dóńgelegi astyna túsip, aýyr jaraqattar aldy. Saldarynan zardap shekken jigit aýdandyq aýrýhanaǵa jetkizilip, kelesi kúni - 30 qazanda esin jimastan kóz jumdy. Lamborghini tizgininde 45 jastaǵy er adam bolǵan. Atalǵan fakti boiynsha politsiia qylmystyq is qozǵady. Tergeý sharalary júrgizilip jatyr", - dedi politsiiadan.
