Foto: IIM
Batys Qazaqstan oblysynda politsiianyń zańdy talabyna baǵynbaǵan birneshe azamat ustaldy.
Áleýmettik jelilerde Aqsai qalasynda túsirilgen beinejazba tarady. Kadrlarda bir top azamat politsiia qyzmetkerleriniń talabyn elemei, agressivti áreket jasaǵany kórinedi, dep habarlaidy Ult.kz.
Politsiianyń málimetinshe, oqiǵa 29 naýryz kúni tańǵy saǵat 05:00 shamasynda bolǵan. Qyzmetkerler mas kúide júrgen er adamǵa qatysty shara qabyldaý úshin shaqyrtýmen barǵan.
Tekserý kezinde onyń janyndaǵy tanystary dóreki minez kórsetip, politsiianyń zańdy áreketterine kedergi keltirgeni anyqtalǵan.
Mas kúidegi azamat 15 táýlikke ákimshilik qamaýǵa alyndy. Al politsiiaǵa qarsylyq kórsetken ózge adamdarǵa qatysty qylmystyq is qozǵalyp, olardyń barlyǵy ustalǵan.
Vedomstvo ókilderi politsiia qyzmetkerlerine qysym kórsetý men zańdy talaptardy oryndamaý áreketteri qatań túrde toqtatylatynyn málimdedi.
