QR Densaýlyq saqtaý ministriniń mindetin atqarýshy Jandos Búrkitbaev Qazaqstanda koronavirýs juqtyrý jaǵdailary azaiǵanyn aitty, dep habarlaidy QazAqparat.
«Respýblikada oń PTR testimen koronavirýs infektsiiasynyń 984 079 jaǵdaiy jáne teris PTR testimen 83 732 jaǵdaiy tirkeldi, naýqastardyń 96%-dan astamy saýyǵyp shyqty. 18 852 naýqas emdeýdi jalǵastyrýda. Jalpy, Qazaqstanda sońǵy tórt aida syrqattaný 16 esege tómendedi», - dedi Jandos Búrkitbaev Úkimettiń búgingi otyrysynda.
Onyń aitýynsha, tamyz aiymen salystyrǵanda 1,2 ese tómendeý baiqalady jáne reprodýktivtilik sany - 0,9 quraidy.
«Infektsiialyq jáne reanimatsiialyq tósekterdiń paidalanylýy 19%-dy kórsetti, sońǵy úsh aida emdeýdi jalǵastyratyn adamdar sany 4,5 esege azaidy (qyrkúiek aiyndaǵy 84 268-den jeltoqsan aiynda 18 852 naýqasqa deiin)», - dedi J. Búrkitbaev.
