«Qazaqstan» respýblikalyq teleradiokorporatsiiasynyń quramyna kiretin «Tamasha TV» telearnasy 2020 jyldyń 27 shildesinen bastap habar taratýyn toqtatady, dep habarlaidy "Ult aqparat" teleradiokorporatsiianyń baspasóz qyzmetine silteme jasap.
Álemdik pandemiia buqaralyq aqparat quraldary salasyna keri áserin tigizýde. Qazaqstan telenaryǵyndaǵy jarnamadan túsetin tabys kúrt tómendedi. Kelesi jylǵy boljam da kóńil kónshiterlik emes. Osy kúnge deiin «Qazaqstan» teleradiokorporatsiiasynyń «Tamasha TV» telearnasy jarnamadan túsetin tabys negizinde qarjylandyrylyp kelgen.
«Tamasha TV» telearnasy Qazaqstandaǵy oiyn-saýyqtyq baǵyttaǵy alǵashqy arna bolyp 2018 jyldyń 1 qyrkúieginde efirge shyqan bolatyn. Telearna kontentin You Tube jelisindegi «Qazaqstan TV» kanalynan kórýge bolady.
Naryqtaǵy qiyndyqqa qaramastan «Qazaqstan» respýblikalyq teleradiokorporatsiiasynyń mediaaktivteri ulttyq qundylyqtardy nasihattap, etnosaralyq birlikti nyǵaitý baǵytyndaǵy jumysyn odan ári kúsheite túsedi.
Bul rette biylǵy jyldyń 30 maýsymynan bastap ashylǵan «Abai tv» mádeni-aǵartý telearnasyna artylar júk aýyr. Arna «Otau TV» ulttyq spýtniktik operatory, «Alma TV», «ID TV» kabeldik jelileri arqyly qazaq jáne orys tilderinde táýligine 17 saǵat habar taratady.
