Memleket basshysy Qasym-Jomart Toqaev eńbek jáne halyqty áleýmettik qorǵaý ministri Tamara Dúisenovany qabyldady, - dep habarlaidy "Ult aqparat" Aqordaǵa silteme jasap.
Prezidentke ministrliktiń jumysy, sonyń ishinde zeinetaqymen qamtamasyz etý jáne Áleýmettik kodeks ázirleý máseleleri týraly baiandaldy.
Qasym-Jomart Toqaevqa Qazaqstandaǵy árbir otbasynyń ál-aýqatyn arttyrýǵa jáne jumyspen qamtý isiniń tabysty bolýy úshin jaǵdai jasaýǵa baǵyttalatyn jańa áleýmettik saiasat qalyptastyrý tásilderi usynyldy.
Tamara Dúisenova Memleket basshysyna Otbasynyń tsifrlyq kartasyn jasaý, Áleýmettik qyzmet kórsetý portalyn jáne Áleýmettik qazynashylyq aqparattyq júiesin damytý jospary jóninde aitty. Prezident geosaiasi jaǵdaidyń ózgerýin jáne eńbek naryǵyna qysymnyń kúsheiýin eskere otyryp ázirlengen kóshi-qon saiasatyn damytý josparymen tanysty.
Kezdesý sońynda Qasym-Jomart Toqaev áleýmettik eńbek salasyndaǵy ózekti problemalardy sheshý jóninde birqatar tapsyrma berdi. Memleket basshysy jastardy jumyspen qamtý baǵdarlamalarynyń tiimdiligin arttyrý, áleýmettik qorǵaý júiesiniń tetikterin jetildirý qajet ekenin atap ótti.
