Foto: ashyq derekkózden
Qyzylorda oblysynda patrýldik politsiia qyzmetkerleri kólik ishinde es-tússiz jatqan 21 jastaǵy jigittiń ómirin saqtap qaldy, dep habarlaidy oblystyq politsiia departamenti.
Oqiǵa 9 naýryz kúni tańerteń bolǵan. Patrýldeý barysynda politsiia qyzmetkerleri kóshe qiylysynda jol jiegine shyǵyp ketken avtokólikti baiqaidy. Kóliktiń dóńgelegi jarylǵanyn kórgen olar mán-jaidy anyqtaý úshin kólikke jaqyndaǵan.
Osy sátte politseilerge bir áiel júgirip kelip, kólikti basqarǵan inisiniń kenetten talmasy ustap, rólde otyrǵan kúii es-tússiz qalǵanyn aityp, shuǵyl kómek suraǵan.
Jedel áreket etken tártip saqshylary jas jigitke alǵashqy meditsinalyq kómek kórsetip, onyń esin jiǵyzǵan. Osylaisha politseiler 21 jastaǵy júrgizýshiniń ómirin aman alyp qaldy.
Keiin olar jedel járdem qyzmetin shaqyryp, jigitti dárigerlerdiń qaraýyna tapsyrǵan.
