video kadry
Májilis depýtattary Abzal Quspan men Únzila Shapaq Talǵardaǵy oqiǵanyń mán-jaiymen tanysý úshin Almaty oblysyna bardy. Bul týraly depýtat Quspan Facebook áleýmettik jelisindegi paraqshasynda jazdy, - dep habarlaidy Ult.kz Tengrinews.kz-ke siltemen jasap.
Depýtattyń aitýynsha, istiń barysyn zerdeleý maqsatynda Almaty oblysy prokýrory men oblystyń Politsiia departamenti basshysymen jolyqqan.
"Men, zańger retinde, bul aýyr jaǵdailardy quqyqtyq turǵyda qarastyrýdyń mańyzdylyǵyn atap ótkim keledi. Mundai isterde qoǵam tarapynan jasalǵan qysym tergeý amaldarynyń obektivti ári jan-jaqty júrgizilýine keri áserin tigizýi múmkin. Prokýratýranyń resmi aqparatyna sáikes, qasaqana kisi óltirý kúdigimen 11 adam adam ustalǵany belgili. Qazirgi tańda tiisti tergeý amaldary júrgizilip jatyr. Osy is boiynsha 170 astam kýágerlerden jaýap alynyp, 40 jýyq saraptama taǵaiyndalyp, jan-jaqty tergelip jatyr. Sonymen qatar, Sherzat Polattyń aǵasy N. Ǵaiypbaevtyń ólimi de Bas prokýratýra men Ishki ister ministrliginiń baqylaýynda ekenin atap ótken jón. Ol boiynsha sot-meditsinalyq saraptamalar júrgizilip jatyr", - dep jazdy depýtat.
Abzal Quspan bul istiń ádil ári ashyq qaralýyna yqpal etý – basty maqsat ekenin aitty.
"Qylmystyq istiń qoǵamdyq mańyzdylyǵyna bailanysty, men tergeý barysymen tanysyp, zańger retinde mán-jaidy naqty anyqtaý úshin jumys istep jatyrmyn. Alǵashqy nátijelerge kelsek, oblys prokýrory Berik Abyzbaiulymen kezdesý barysynda tergeý amaldarynyń barynsha zań aiasynda jáne tiianaqty júrgizilýin talqyladyq. Oblystyq prokýratýra bul istiń quqyqtyq jáne ádildik printsipterine sai qaralatynyn málimdep, bizge ýáde berdi. Aldaǵy ýaqytta tergeý barysy men resmi aqparattar týraly qoǵammen únemi bólisip otyratyn bolamyn. Qazirgi tańda kez kelgen rastalmaǵan aqparattan aýlaq bolýǵa jáne resmi derekkózderge súienýge shaqyramyn", - dedi ol.
