Taldyqorǵanda oqýshylardy tasymaldaǵan avtobýs kólik apatyna túsip, bes bala zardap shekti, dep habarlaidy "Ult aqparat".
Almaty oblystyq politsiia departamenti baspasóz qyzmetiniń málimetinshe, 8-16 jastaǵy oqýshylar Almaty oblystyq kópsalaly balalar aýrýhanasyna jetkizilgen.
24 mamyr kúni 08:30 shamasynda oqýshylardy tasymaldaǵan avtobýs kólik apatyna tústi.
«Isýzý» markaly avtobýsty 60 jastaǵy júrgizýshi tizgindegen.
«Ol Amangeldi kóshesinde solǵa burylyp, qarsy baǵytta kele jatqan «Aýdi» kóligine jol bermegen. Saldarynan avtobýs «Mazda» kóligine soǵylǵan. Avtobýstaǵy 5 oqýshy zardap shekti. Sondai-aq «Aýdi» kóliginiń júrgizýshisi jáne onyń 56, 23 jastaǵy jolaýshylary aýrýhanaǵa tústi» delingen vedomstvonyń habarlamasynda.
Qazir atalǵan jol-kólik oqiǵasy boiynsha QR QK 345-baby 1 bóligine sáikes sotaldy tergeý júrip jatyr.
