Taldyqorǵanda kólik apatyna túsken oqýshylardyń jaǵdaiy ortasha aýyr, - dep habarlaidy "Ult aqparat".
Oqýshylardyń biriniń jaq súiegi synǵan.
«Aýrýhanaǵa túsken bes oqýshy jabyq bas mi jaraqatyn alǵan. Miy shaiqalǵan. Túrli dene soqqysy bar. Oqýshynyń biri ishinen jaraqat alsa, endi biriniń jaq súiegi synǵan. Barlyq bes naýqastyń jaǵdaiy ortasha aýyr», - dedi Almaty oblystyq Densaýlyq saqtaý basqarmasyndaǵy baspasóz qyzmetiniń ókili Láilim Áýbákirova.
Sonymen qatar, osy kólik apatynda oqýshylardan bólek taǵy úsh adam zardap shekken bolatyn.
«Taldyqorǵan qalasyndaǵy kópsalaly aýrýhanaǵa jaraqat alǵan 1964, 1997 jáne 1995 jylǵy naýqastar kelip tústi. 1995 jylǵy adam denesinen túrli dárejedegi soqqy alǵan. 1964 jylǵy adamnyń iyǵy synǵan. 1997 jylǵy naýqastyń murny synǵan. Jaǵdailary qanaǵattanarlyq», - dep tolyqtyrdy Láilim Áýbákirova.
