Taldyqorǵanda politseiler besinshi qabattan sekirmek bolǵan adamdy qutqardy. Bul týraly Polisia.kz saity habarlady.
Taldyqorǵan qalasynyń PB qyzmetkerleri óz-ózine qol jumsamaq bolǵan mas adamnyń ómirin aman alyp qaldy. Kýágerlerdiń aitýynsha, tártip saqshylary er adamdy ustaǵan kezde onyń qolynda pyshaq bolǵan.
«Politsiiaǵa oblys ortalyǵyndaǵy úilerdiń birinde mas er adamnyń páterden barlyǵyn qýyp shyǵyp, balkonnan sekirmek bolǵany týraly habar túsedi. Oqiǵa ornyna Taldyqorǵan qalasynyń PB PPR-niń 106-shy bortynyń ekipajy Baýyrjan Jumasilov, Ernar Myńbaev jáne AJÁJ inspektory Daniiar Dadobai kelip, aqparatty rastady», - dep habarlady Taldyqorǵan qalasy PB bastyǵy Asqar Nursapa.
Politsiia qyzmetkerleri óz-ózine qol jumsamaq bolǵan mas adamdy aman alyp qaldy.
