Densaýlyq saqtaý ministrligi ókilderi depýtattardyń meditsinalyq qyzmetter sapasyna halyqtyń kóńili tolmaityny jáne vedomstvo basshysy Aleksei Tsoidyń halyq aldynda ashyq bolýy týraly synyna jaýap berdi, - dep habarlaidy Tengrinews.kz.
"Densaýlyq saqtaý ministri Aleksei Tsoi óz orynbasarlary siiaqty turaqty túrde óńirlerge shyǵyp turady, oblys jetekshileri men densaýlyq saqtaý basqarmalary basshylary deńgeiinde ǵana emes, meditsinalyq jumysshylar men meduiymdardaǵy azamattarmen de kezdesý ótkizedi", - dep sendirdi ministrliktegiler.
Baspasóz qyzmetindegilerdiń habaryna qaraǵanda, 4 sáýirde Tsoi tirkelgen turǵyndardy koronavirýs infektsiiasyna qarsy jappai vaktsinalaýǵa daiyndyǵyn tekserý úshin № 4 elordalyq emhanaǵa barǵan. 15 sáýirde ministr Almaty oblysyna barǵan, al 27 sáýirde premer-ministr Asqar Maminniń jumys sapary barysynda Mańǵystaý oblysyna baryp, meditsinalyq nysan men óńirdegi vaktsinalaý qarqynyn tekserip qaitqan.
21 mamyrda Tsoi Qaraǵandy oblysyndaǵy epidjaǵdaimen tanysqan. 23 mamyrda Shyǵys Qazaqstan oblysyna, Semeige jumys saparyn jasaǵan. 24 mamyrda ShQO-daǵy Aiagóz aýdanaralyq aýrýhanasyna barǵan, aýrýhana ujymymen kezdesken.
"Tsoi Almaty oblysynda Talǵar aýdany Taldybulaq aýylynyń dárigerler ambýlatoriiasyna bardy, Talǵar aýdandyq Aqbulaq aýylyndaǵy kóshpeli meditsinalyq keshenindegi koronavirýsqa qarsy vakatsinalaý pýnktinde boldy, sondai-aq, Almaty oblysyndaǵy Eńbekshiqazaq aýdanynda birneshe vaktsinalaý pýnktine bardy.
Aýyldaǵy densaýlyq saqtaý jaǵdaiy ministrliktiń airyqsha nazarynda. Bul salany damytýǵa barlyq qyzmettiń nazary aýdarylǵan. Osylaisha, Densaýlyq saqtaý ministrligi basshylyǵy turaqty túrde óńirlerge shyǵyp turady, bul saparlar keste boiynsha jalǵasady", - dep málimdedi vedomstvodaǵylar.
Vedomstvo ókilderi depýtattardyń jýrnalisterdiń suraǵy jaýapsyz qalyp jatqany týraly synyna da jaýap berdi.
"Aldaǵy ýaqytta Aleksei Tsoi jumys qorytyndysy men óńirlik densaýlyq saqtaý mekemelerine jasalǵan monitoring boiynsha mindetti túrde BAQ ókilderimen kezdesedi", - dep ýáde berdi ministrlik ókilderi.
Eske salaiyq, Májilis depýtattary Densaýlyq saqtaý ministrligin eldegi meditsinalyq qyzmet sapasyna halyqtyń kóńili tolmaitynyn aityp synaǵan edi. Elde 1,6 trillion teńge qyzmetterdiń qoljetimdiligi men sapasyn jaqsartýǵa arnaiy bólingen, alaida qazaqstandyqtardyń jartysyna jýyǵy emdeý sapasyna kóńili tolmaityny aitylǵan.
Depýtattar ministrdi "halyq aldyna shyǵýǵa" shaqyryp, halyqpen sanitariia dárigeriniń qaýlysy arqyly sóilesýdi doǵaryp, óńirdegi aýrýhanalarda kezekte otyrǵan turǵyndarmen sóilesýge shaqyrǵan.
