Foto: ashyq derekkóz
Sybailas jemqorlyqqa qarsy qyzmet qazirgi ýaqytta Ermek Tursynovqa qatysty eshqandai tergeý áreketteri júrgizilip jatpaǵanyn aitty, dep habarlaidy Ult.kz.
Bul týraly vedomstvo BAQ suraýlaryna jaýap retinde málimdedi. Sonymen qatar, E. Tursynovtyń Facebook jelisinde jariialaǵan aqparaty agenttikke beimálim ekenin atap ótti.
Buǵan deiin «Sh. Aimanov atyndaǵy «Qazaqfilm» AQ ishki aýdit qyzmetiniń qorytyndysyna jáne aryzǵa sáikes, «Dolgoe eho» kórkem filmi óndirisi kezinde laýazymdyq ókilettikterdi teris paidalaný faktisi boiynsha sotqa deiingi tergeý bastalǵany habarlanǵan bolatyn.
Qosalqy merdiger retinde «Alashfilm» JShS kórsetilgen, onyń burynǵy direktory «T» azamat. Tergeý barysynda onyń buryn «Tursynovfilm» JShS aiasynda rejisser Tursynovtyń biznes-seriktesi bolǵany anyqtaldy.
«Alashfilm» JShS burynǵy direktory «T» tergeý áreketterine kýáger retinde qatysýda. E. Tursynov tergeý organyna shaqyrylmaǵan, jáne qazirgi ýaqytta is boiynsha eshkim kúdikti dep tanylǵan joq.
Aita keteiik, buǵan deiin qazaqstandyq rejissior ári qoǵam qairatkeri Ermek Tursynov elden ketkenin habarlaǵan bolatyn. Bul týraly ol Facebook paraqshasynda jazdy. Onyń aitýynsha, elden óz erkimen emes, amalsyzdan ketýge májbúr bolǵan.
