Aqmola oblysynda súiiktisine ózen lala gúlin julyp almaqshy bolǵan er adam sýǵa batyp ketti, dep habarlaidy "Ult aqparat" oblystyq TJD baspasóz qyzmetine silteme jasap.
Vedomstvonyń málimetinshe, maýsymnyń 22-de keshki saǵat 18:48 qutqarý qyzmetiniń bailanys pýltine Jabai ózeninde adamnyń sýǵa batyp ketkendigi týraly habarlandy.
«Anyqtalǵandai, 52 jastaǵy er adam azamattyq nekedegi jubaiymen Jabai ózenine balyq aýlaýǵa barǵan. Bir sátte, er adam sýǵa túsip, súiiktisine lala gúlin julyp alyp bermekshi bolǵan. Alaida, jaǵaǵa shyǵarda er adam sýǵa batyp ketti», - dedi vedomstvodan.
Izdestirý jumystaryna Aqmola oblysy TJD Jedel qutqarý jasaǵynyń qutqarýshylary jumyldyryldy. Búgin tańerteń er adamnyń denesi ózen boiyndaǵy ósimdikterdiń arasynan tabyldy.
